Marynyň taryhyna syýahat:"Marguş: beýik medeniýetiň syrlary we hakykaty"

TurkmenPress

Magtymguly adyndaky Türkmen milli sazly teatrynda görnükli arheolog, Magtymguly adyndaky Halkara baýragynyň eýesi Wiktor Iwanowiç Sarianidiniň «Marguş: beýik medeniýetiň syrlary we hakykaty» atly täze kitabynyň tanyşdyrylyş dabarasy boldy. Türkmenistanyň Medeniýet we teleradioýaýlymlar ministri G.Myradow dabarany açyp, Prezident Gurbanguly

Berdimuhamedowyň başlangyjy we tabşyrygy boýunça neşir edilen bu kitabyň ajaýyp ylmy gözlegleriň netijesidigini nygtady, şol gözlegler bolsa Türkmenistanda gadymyýetiň beýik medeniýetiniň — Marguş siwilizasiýasynyň açylmagyna getirdi. Çykyşda milli Liderimiziň ýolbaşçylygynda geçirilýän we ýurdumyzyň durmuşynyň ähli ugurlaryny, şol sanda bilimi, ylymy we medeniýeti gurşap alýan Beýik Galkynyş syýasatyna häsiýetnama berildi. Şu ýyl Türkmenistanda geçirilýän halkara ylmy konferensiýalary sany boýunça deňsiz-taýsyz bolan ýyl boldy diýlip nygtaldy. Ertir açylýan şol konferensiýalaryň nobatdakysynyň ady, ýagny «Türkmen topragy gadymy medeniýetleriň we siwilizasiýalaryň ojagydyr» diýen ady professor W.I.Sarianidiniň kitabynyň temasy bilen gönüden-göni baglanyşyklydyr. ... Dowamy

Eýran Türkmenleriniň Appozisýasynyň Bileleşik sargydy – ایران ترکمنلرینینگ آپازیسیاسئنئنگ بیله لشیگ سارغئدی

Zorlamagy, sansury we ganunsyz tutmagy bes ediň

Iranda halkyň hakyny sorap, Tehran we başga şäherlerde köçelere akan joşgunly syly, režimiň howpsyzlyk güýçleri we „şahsy lybasly“- lary bilen garşylaşdy.
Hökümet žurnallary gadagan edip, žurnalistlary, syýasy we medeni çalyşganlary tutmak bilen, Internet sahypalary süzmek bilen we ganly-gazaply basgylary bilen halkyň ýüregine gorky sala bilmedi-de, eýsem onuň jemgyýetçilik aňyny, duýgusyny we ruhuny ýaralady.
Syýasy dymyklyk we sansur Türkmensahraň hem habar serişdeleriniň Iranda geçip duran wakalardan habar ýaýmagynyň öňüne geçip dur. Biz şeýle bir şertlerde halkyň görkezýän gaýtawulundan aktiwrak habar ýetirmegi özümize borç bilýäris.
Aýny halda Iran döwletiniň onlarça ynsanyň ölmegine we ýüzlerçe adamyň ýaralanmagyna sebäp bolan jenaýatlaryny ýazgarýarys.
Indi bütin adamzadyň gözi mejazy dünýäde ýurdumyzyň hakyky durmuşyna açylyp, ýaşlaryň, (şol sanda „Neda“nyň) öldürilýändigini gördüler. Bu gün dünýä Iran häkimleriniň ynsana laýyk bolmadyk amallaryna seredip dur.
Sansur, habar galplygy, öldürmeler we ganly basyşlar hiç bir çykalgaň ýoluny açmasa gerek. Sagdyn akyl we ynsany wyždan bu gün zorlamagy, sansury we ganunsyz tutmaklary soňlap, halkyň isleglerine degerli bir jogap berilmegini talap edýär.

Il-gün saýty
Türkmen ilim saýty
Türkmensahra habar we medeni saýty
Türkmensahra media saýty
Eýran Turkmenleriniň Medeni we Syýasy Ojagynyň elektronik neşriýesi – Alman
Eýran Türkmenleriniň Medeni we Syýasy Ojagynyň Kordinasion şurasynyn neşriýesi
Sişenbe, 2-nji. Tir. 1388

Saýt ýa-da weblog adyňyzy goşmak üçin ýokardaky saýtlaryň biri bilen habarlaşyň.
Web çeşmesi: Türkmensähra Mediýa

ЕЖЕДНЕВНАЯ ДЕЛОВАЯ ГАЗЕТА

Главная :: В фокусе
Аятоллы побегут из Ирана
Вслед за своими деньгами
Крупные иранские банки начали активно выводить деньги из страны. Деньги уходят из банков как подконтрольных исламскому руководству Ирана, так и из тех, что связаны с кланом Рафсанджани, стоящим за оппозиционным кандидатом в президенты Мир-Хосейном Мусави, до сих пор отказывающимся признать свое поражение на выборах. Примирение между сторонниками и противниками Махмуда Ахмадинежада уже невозможно. Обе стороны готовятся к решительной схватке, по результатам которой кому-то из них придется бежать из Ирана. Read More

ÝAT ILDE ŞAHYR ÖLDI…- یاد ایلده شاعیر اؤلدی

Ajy habar

Gitdi…

Atabaýew gurup gitdi,

Şaja Batyr görüp gitdi,

Suwhan Baba dörüp gitdi,

J.Garaýew durup gitdi,

Balyş Öwez sürüp gitdi,

Em.Gapurow "ak altyny",

Nebit-gazy berip gitdi,

Es. Nyýazow gyryp gitdi,

Milliard-milliard urup gitdi…

Saparmyrat Öwezberdi

Görnükli türkmen şahyry Saparmyrat Öwezberdi uzaga çeken agyr keselden soñ 2009 ýylyñ 19-njy iýunynda Amerikanyñ Birleşen Ştatlarynyñ paýtagty Waşingtonda 71 ýaşynyñ içinde aradan çykdy.
Saparmyrat Öwezberdi birnäçe ýyla çeken syýasy yzarlamalar, ýanamalar zerarly 2004 ýylyñ 12-nji iýulynda Türkmenistany terk etmäge mejbur bolupdy. Şol sebäpli şahyr ömrüniñ soñky ýyllaryny ABŞ-yñ paýtagty Waşingtonda geçirdi. Ýurtdan aýraçylyk şahyra añsat düşmedi, ol Amerikadaky durmuşyndan razy bolsa-da, Türkmenistana dolanyp barmak höwesindedi. Arman, zalym ajal şahyryñ dogduk topraga dolanmak hakdaky arzuwyna böwet boldy.
Saparmyrat Öwezberdi 1958-nji ýylda Moskwanyñ Edebiýat institutyna okuwa girip, ony 1962-nji ýylda tamamlaýar. Ol edebiýat ugrundan gowy bilimli we köp işleýän şahyrdy. Onuñ türkmen dilinde ondan gowrak goşgular ýygyndysy çap edildi. Olardan ”Ukusyz gijeler” (”Türkmenistan” neşirýaty, 1968 ý.), ”Dokuz aýdym” ((”Türkmenistan” neşirýaty, 1970 ý.), ”Gül ýüzlim” (”Türkmenistan” neşirýaty, 1973 ý.), ”Bary seniñki” (”Türkmenistan” neşirýaty, 1978 ý.), ”Mähribanym” (”Türkmenistan” neşirýaty, 1985 ý.), ”Ýaz oýlanmalary” (”Magaryf” neşirýaty, 1985 ý.) we beýleki kitaplary agzasa bolar.
Şahyryñ goşgulary litwa, eston, german, ukrain, türk, ispan, belarus we käbir beýleki daşary yurt dillerine terjime edildi. S.Öwezberdi litwa şahyrlarynyñ döredijiligi bilen türkmen okyjylaryny giñden tanyşdyrmagyñ hötdesinden geldi. Beýik litwa şahyry Eduardas Mieželaitisiñ, Justinas Marcinkevičiusyñ, Jonas Graičiūnasyñ we beýlekileriñ goşgulary şahyr S.Öwezberdiiniñ zähmeti bilen türkmen okyjylaryna ýetirilipdi. Mundan başga-da ol ençeme sowet we rus şahyrlarynyñ goşgularyny türkmençä geçirdi. Olaryñ arasynda Resul Gamzatow, Kaýsyn Kulyýew, Lesýa Ukrainka, Taras Şewçenko ýaly meşhur şahyrlar bar. S.Öwezberdiniñ terjimeleri özüniñ şahyranalygy bilen türkmen okyjylarynyñ göwnüni awlamagy başardy.
Şahyryñ sözlerine Nury Halmämmet, Aman Agajyk, Çary Abdylla ýaly belli kompozitorlar tarapyndan ençeme aýdymlar döredilip, ol aýdymlar uzak ýyllaryñ dowamynda türkmen radiosynda we telewideniýesinde ýañlandy. Ol aýdymlar diñleýjileriñ söýgüsini gazanyp bildi. Emma garaşsyzlyk döwründe diñe bir ol aýdymlar däl, eýse şahyryñ döredijiligi tutuşlygyna öz ilinde gadagan edildi.
Geçen asyryñ 90-njy ýyllarynyñ başlaryndan beýläk S.Öwezberdi kän ýyllap Amerikanyñ “Azatlyk” radiosy bilen hyzmatdaşlyk etdi. Onuñ yurt içinden taýýarlaýan yzygiderli çykyşlary, reportajlary was-was keseline uçuran başistik häkimiýetleri ynjalykdan gaçyrdy. Şonuñ üçinem şahyra kän gezek haýbat atylyp, ol urlup-ýenjildi, oña ruhy sütem edildi.
Ýat ilde dünýäden öten şahyr S.Öwezberdiniñ jesediniñ dogduk toprakda jaýlanmagyna häzirlikçe mümkinçilik bolmasa-da, geljekde bu zerur iş hökman ediler. Munuñ başgaça bolmagy mümkin däl.
A.Welsapar, ýazyjy

2009-06-20

Medeni we syysy Ojak - مدنی و سیاسی اوجاق

12-ji khordad (12-nji jun) güni geçirilen Prezident saylawunyñ jar edilen netijesini kabul etmeýäris.

Halkara Guramalarynyň garamagy esasynda prezident saýlawunyň gaýtalanmagyny talap edýäris!
Türkmen Halkynyyñ Medeni we Syýasy
Ojagynyñ sazlaşyk (kordinasion) şurasi
2009-06-15 / 25-3-1388

Eýranda Saylaw galplygy üçin göreş - ایران دا سایلاو قالپلئغی اوچین گورش

Magtymguly Pyragynyn Hormat Gijesi!

Beýik Türkmen Milli Şahyry we Filosofy, şol hatarda bütin dünýä Türk milletleriniň görnükli şahsiýeti we akyldary "Magtymguly Pyragynyň" 276 -njy doglan güni ýyl dönümi baýramy Toronto şäherinde, Şenbe güni, Maý 30, 2009, 29 St. Dennis Drive ( Library) köçesiniň, Kitaphanasynda Türk Milletleriniň wekilleriniň gatnaşmagy bilen uly dabarada, Türk birligi gijesi derejesinde geçirildi.

"Magtymguly Pyragy"-nyň hormat gijesi Canada Türkmenleriniň Umumy Birleşen Merkeziniň tarapyndan Abdulgafur Charýarin, Magtymguly Pyragynyň hakyndaky maglumatlar bilen başlady, soň Kirkuk Türkmenler Jebhesiniň wekili Asif Serttürkmen öz sözleri bilen bu hormat gijesini dowam berdi. Ondan soň Üzbek Türkleriň wekili Fahretdin beý, Ahwazi Arab milletiniň wekili Saleh Abusheref, Turkmen Sahra Turkmenlerin Wekili Hangeldi Ownuk, geplediler. Güneý Äzirbeýjan Türk milletiniň wekilleri: Oktaý beý, Talas beý, Alireza beý, Tugaý beý özlerinin gutlak hatlaryny, Canada Türkmen Merkezine ýetirdiler. Bütin gijäniň dowamynda Güneý Äzirbeýjan Türk milletiniň sungat işgärleri: Hormatly Samat beý we Laleh hanymyň ýolbasçylygynda: Çagalar topary; Alpaý, Sunaý, Şanaý ; Ahmat beý Äzirbeýjan aýdymlary, Araz Dans Topary: Aly beý, Ferhat beý; Laleh hanym ve Semin hanym, Özlerinin gyzykly aýdym - sazlary we dancilary bilen, 100-den gowurak gelen myhmanlara ajaýyp bir gijäni hödirlediler, ýadigär berdiler. Canadaly myhman Montrealdan, ýas Gitarist, Dylen Juliano hem Gitara çalyp,Inglis dilinde aýdym aýdyp berdi. Magtymguly Pyragynyň hormat gijesi Şenbe güni sagat 5.30 dan- 10.30 gijä çenli dowam etdi.

Canada Turkmenleriniň Umumy Birleşen Merkezi
(Universal Union of Canadian Turkmen Community Centre)

DILDEN – DILLERE!

2009 ýylyñ 23-nji maýynda Şwesiýanyñ Göteborg şäherinde beýik türkmen klassyk şahyry Magtymgulynyñ ömrüne we döredijiligine bagyşlanan Halkara konferens bolup geçdi.

Jeýhun bile bahry-Hazar arasy,
Çöl üstünden öser ýeli türkmeniñ;
Gül-gunçasy – gara gözüm garasy,
Gara dagdan iner sili türkmeniñ.

***

Şwesiýanyñ Göteborg şäherinde 23-nji maýda beýik Magtymgulynyñ ömrüne we döredijiligine bagyşlanan Halkara konferens bolup geçdi. Bu abraýly konferensi Göteborg Türkmen kultur ojagy taýynlady. Bu konferensi geçirmek boýunça ilkibaşda ýörite guramaçylyk komiteti döredildi we ol komitet birnäçe aýyñ dowamynda ähli zerur guramaçylyk işlerini alyp bardy. Bu döwürde Magtymguly Pyragynyñ ömri we döredijiligi barada dört dilde, ýagny türkmen, iñlis, şwed we pars dillerinde ýörite çykyşlar taýynlanyldy.

Magtymgulynyñ ömri we döredijiligi baradaky edebi konferense diñe bir türkmenleriñ däl, eýse dürli halklaryñ wekilleri gatnaşdylar. Dabara gatnaşan şwed we iñlis ýazyjylary konferensiñ gurnalyşyna we onda şahyryñ döredijiligi dogrudaky edilen çykyşlara örän ýokary baha berdiler. Şwed ýazyjysynyñ sözlerine görä, bu ýatdan çykmajak waka bolan bolsa, iñlis ýazyjysynyñ sözlerine görä, Magtymgulynyñ ömri we döredijiligi hakda iñlis we şwed dillerinde edilen çykyşlar olar üçin hakyky açyş boldy.

Göteborgly türkmenleriñ köpüsi 23-nji maýda şäher kitaphanasynyñ konferens zalyna milli egin-başlaryny geýip geldiler. Konferense bu şäherde ýaşaýan parslar hem köpçülikleýin geldiler. Konferensiñ başynda giriş sözüni sözlän şäher häkimliginiñ medeniýet bölüminiñ başlygy Helena Nyhus şeýle diýdi: ”Men bu gün şäher kitaphanasynda geçirilýän bu dabara begenýärin. Biziñ şäherimiz köpmilletli, şol milletleriñ hemmesi-de biziñ şäherimiziñ umumy medeniýetine uly goşant goşýarlar. Bu gün şäheriñ merkezi kitaphanasynda türkmen klassyk şahyryna bagyşlanan konferens geçirilýär. Eger-de Göteborgda diñe şwedler ýaşan bolsa, bu tukat bolardy. Häzir welin, biziñ şäherimiz dürli medeniýetlerden ybarat ullakan baýlyga eýe. Men size bu konferensiñ üstünlikli geçmegini arzuw edýärin!”

Helena Nyhusuñ giriş sözünden soñ konferens zalynyñ sahnasyna dabarany alypbaryjylar – milli lybasly türkmen gelni Elmaý Durdypur bilen Nureddin Ýaraly çykdylar. Olar ilki sözi Türkmensähradan myhman çagyrylan we bu dabarany başdan-aýak aýdym-saz bilen bezän belli bagşy Mansura gezek berdiler. Kämil türkmen halk sazyndan soñra çykyşlar başlandy. ... Dowamy

B I L D I R I Ş - بــیــلــد یــر یــش

Bildirish
Saz-söhbetli paltalk otagy
Tema: Türkmensähranyñ görnükli şahyry we bagşysy bilen duşuşuk
Çykyş etyänler: şahyr Aýdy Ownuk, bagşy Mansur Sabuhi
Güni: Ýekşenbe (bazar güni ), 31-nji maý, 2009 // 10-njy 03, 1388 şemsi ;i
Sagady: Söhbetdeşlik merkezi Europa wagty bilen - 18:00-da, Tähran - 20:30-da, Aşgabatda- 22.00-da başlanýar;i
Yeri: Paltalk > Rooms > Auropa > Other > Turkmen medeny edebi we sungaty
----------------------------------------------
Adminler topary
Arkalashik_can@yahoo.ca

------------------------------

Irak Türkleri Kültür ve Yardımlaşma Derneği - انجمن فرهنگی و همیاری ترکمن های عراق

Irak Türkleri Kültür ve Yardımlaşma Derneği Ankara Şubesinin Düzenlediği Türkmeneli Gecesi Irak Türkleri Kültür ve Yardımlaşma Derneği Ankara Şubesinin Düzenlediği Türkmeneli Gecesi 15 Mayıs 2009 Cuma günü Ankara'da yapılacaktır.

انجمن فرهنگی و همیاری ترکمن های عراق در آنکارا شب ترکمن در آنکارا برگزار میکند. این مراسم در روز جمعه 15 می برابر با بيست و پنجم اردیبهشت ماه سال جاری در سالن ملی شورا در بش اولر -آنکارا برگزار خواهد شد .ه

Kaynak: Kerkuk Net

GYZAMYKDAN GALAN KESEL-غئزامئقدان غالان كسل

Rahym Esen hakda o diýen ýakymly bolmadyk ýatlamalar…

Saparmyrat Öwezberdi, şahyr
Washington,
12-nji may, 2009.
/Ýazyjynyñ awtorlyk Internet saýtyndan/

1. Rahym Eseniñ öýünde
Men gürrüñe başdan başlaýyn... Rahym Eseni Türkmenistan Ýazyjylar guramasynyñ başlygy edenlerinden soñ, günleriñ birinde men onuñ öýüne myhmançylyga bardym. Aýalyma bir tamdyr çörek bişirdip, Rahym Esenlere sowgat eltdim. Ýanymda kiçijik oglum hem bardy.
Gaýtjak bolanymyzda Rahym Esenow holodilnikden (sowutgyçdan) süýji çykardy-da, oglum Röwşene uzatdy. Oglum öý eýesiniñ beren süjüsini halaman, gapynyñ agzyna çykanymyzdan ony Esenowyñ haýatynyñ üstünde goýdy. “Men bu porsy süýjüni iýerinmi?” diýip, kiçijik oglum aýtdy. Çünki Röwşen Litvanyñ süýjülerini iýip ýören çagady, Rahym Eseniñ hödür eden süýjüsini çaganyñ nämüçindir ýüregi almady...

2. Rahym Eseniñ myhman kabul edişi
Gunlerin birinde Litvanyñ paýtagty Wilnýusyñ "Vaga" neşirjatyndan iki redaktor Vitavtas Visochkas bilen Vitavtas Martishus Aşgabada myhmançylyga geldiler. Olar Türkmenistana meniñ çakylygym boýunça gelipdiler. Myhmanlary Rahym Esenow kabinetinde kabul etdi. Olar bolsa gürrüñdeşlikde Esenovyñ kitabyny litva dilinde neşir etmäge söz berdiler. Ertesi Rahym myhmanlary we meni Pöwrüzä äkitdi. Oktýabr aýy bolansoñ, ýagyş ýagyp durdy, Pöwrizede adam azdy, tukatlykdy. Rahym Esen bizi Pöwrizäniñ içinde kän aýlady. Ol bir zada garaşýan ýalydy. Litvaly myhmanlar bir tarapa çekildilerem welin, Rahym Esen meniñ gulagyma çawuş çakdy: - Häzir Bagyra baryp naharlanarys, ol ýerde bir öýde biz üçin nahar bişip dur...
Bagyra baryp, Nusaý galasyna syn etdik. Soñra Bagyr oba Sowetiniñ jaýyna bardyk. Ol ýerde Şeker atly aýal biziñ oñümize şakäselerde towuk çorbasyny getirip goýdy. Alkogol içgileri ýokdy. Nahar edinenimizden soñ Rahym Esen bizi Aşgabada getirip, myhmanhananyñ öñünde taşlap gitdi... Men Litvaly dostlarymy şol bada öz öýüme getirip, olary türkmençilige mynasyp, adam şekilli mazaly hezzetledim.
Bu adamyñ ölemen gysgançdygyny, öz öýünde ile saçak ýazman, başarsa, hatda hut öz myhamanlaryny hem kişiniñ öýünde naharlaýandygyny men soñ hem kän gezek gördüm.
3. Rahym Esen öz 50 ýaş toýuny kimiñ hasabyna toýlady?
Rahym Esen 1976 ýylda 50 ýaşynyñ toýuny toýlady. Ol şonda, hamana öz öýünde öýlänlik ýok ýaly, garypsyrap, öz toýuny Edebiýat fondunyñ hasabyna sowdy. Ähli çykdajylary edebiýatyñ halk arasynda ýaýradylmagy üçin niýetlenen serişdeleriñ hasabyna etdi, özünden hatda gara köpügem çykarmady!
Onuñ eden bu galplygy derrew sorag döretdi. Ony Türkmenistanyñ Ministrler Sowetiniñ kadrlar boýunça bölüm müdüri Şmit ýanyna çagyrdy. Ol oña şeýle diýýär:

– Rahym Magtymowiç, siziñ üstüñizden arza bar. Size parahor diýýärler, üstesine-de öz garamagyñyzdaky edaranyñ hasabyna ýubileý toýuñyzy geçiripsiñiz. Bu nähili masgaraçylyk? Hökümet sizi Ýazyjylar guramasyny tozduryñ diýip, oña ýolbaşçy goýan däldir-ä!
Rahym Esen tilki sapalagyny atyp, hañk-huñk bilen Şmiti ynandyrjak boldy. Emma Şmit oña ynanmady, diñe aşa geçirimlilik edip, şol gezek parahor Rahym Eseni ujuz sypdyryp goyberdi.
4. Pul berilmese, ol söz azatlygyny nätsin!
Ol döwürde men entek Aşgabatda ýaşaýardym. Onsoñ günleriñ birinde meni "Azatlyk" radiosynyñ Türkmen gullugy Praga 20 günlük komandirowka çagyrdy. Praga gelsem, radionyñ edarasynda Rahym Esen otyr. Men muña, dogrusy, gaty haýran galdym. Ony gullugyñ müdiri Zerip Nazar Moskvadan bu taýyk bir aýlyk komandirowka çagyrypdyr.
Radioda ilkibaşda gündelik sowalga üçin ep-esli pul berilýär. Ol pul gün geçdigiçe azalyp-azalyp, ahyr soñunda has azajyk bolup galýar. Muny añan Rahym Esen derrev yzyna gaýdarman boldy. Pul berilmese, ol söz azatlygyny başyna ýapsynmy! ”Azatlyga” ol petde-petde pul alaryn diýip, baran bolsa nätjek. Berilýän pula göwni ýetmänsoñ, ol derrew Moskva gitjek diýip, dyzap başlady.
Zerip Nazar şonda Rahym Eseniñ üstüne mazalyja gygyrdy: – Ozal-a sizi çagyrmak iş bolýar. Geleñizden soñam möhletiñizden öñ yza gaýtjak bolup, maña ýene azar bolýañyz!
Emma Rahym Esene pul bolsa bolýar, gygyrdyñ nä, gygyrmadyñ nä! Gaýta ol şol gezegem Sowet döwründe dürli edaralardan mekirlik bilen artyk hak alşy ýaly, ”Azatlyk” radiosyndadan hem köpräk pul almak üçin jan etdi, mekirlik ulanjak boldy, emma onuñ bu pyrryldagy başa barmady.
5. Ýürekbulanç ownukçyllyk
Rahym Esen Aşgabatdan daşary ýurtlara telefon etmeli bolanda, öz öýünden jañ etmezdi, başarsa, iliñ öýünden jañ ederdi. Bir döwürde meni hem halys irizdi. Bir ýere jañ etmeli bolsa, derrew meniñ öýüme ylgap gelýärdi. Ol bir görseñ, meniñ öý telefonymdan Minwoda aýalynyñ doganlaryna telefon edýändir, ýene bir gezekde Moskva Ýazyjylar guramasyna, başga bir gezekde "Literaturnaýa Rossiýa" gazetiniñ redaksiýasyna telefon edýändir. Garaz, meniñ hasabyma telefonymy ulanmak Rahym Esene halys endik boldy...
Rahym Esen gaty mekir adam. Bu setirleri okap, onuñ ”Meniñ öý telefonym diñlenýärdi, şonuñ üçin iliñkiden til kakýardym” diýen ýaly bolgusyz bahana tapmagy mümkindir. Emma men bu pirimi bada-bat ret edýärin. Sebäbi eger diñlenmeýän telefon gerek bolsa, ol hiç haçanam meniñ öýüme gelmezdi. Sebäbi Aşgabatda kimdir biriniñ telefony diñlenýän bolsa, meniñki hem diñlenýärdi. Muny ozalky NKVD-çi bilmän, eýse, kim bilsin?!
Ýok, bu häsiýet onuñ açgözlüginden bolýan zatdy. Ol öz bolşunyñ ýürekbulanç ownukçyllykdygyna ýa-ha düşünenokdy, ýogsa-da düşünesi gelenokdy. Puluna dözse, öz öýünde-de telefon bar ahyryn, emma iliñ hasabyna ýaşamak islegi onuñ üçin halys endik bolup gidipdir. Ol muny hatda kemçilikdirem öýdenok.
6. Gyzamykdan galan kesel…
Ýöne kimdir biri bu endik Rahym Esende soñ dörändir öýtse, gaty ýalñyşar. Men muña bir gezek tötänden göz ýetirdim. Sebäbi entek SSSR döwründe, bir gezek Kirow raýonynyñ (häzirki “Babadaýhan” etraby) "Taze ýol” kolhozyna ýazyjylar bolup, komandirowka baranymyzda kolhozyñ baş hasapçysy Rahym Esen hakda maña şeýle täsin zady gürrüñ berdi: – Rahym bilen men oglanlykdan bile oýnap ösdüm. Bigaýratdyr, ol guduzlandyr, para almaga ökdedir, kesekiniñ aşyna mydam görseñ hargulak ýaly topulýandyr. Asyl biz-ä şonuñ garnynyñ doýanyny görmedik.
Görnüşine görä, ençeme pis gylyklar bu adamda oglanlykdan bar bolsa nätjek! Belki, türkmenler aýtmyşlaýyn, Rahym Esende bu keseller gyzamykdan galandyr?... Dowamy - دووامي

Türkmenistanda ýokary bilim-توركمنيستاندا يوقاري بيليم

Türkmenistanyň Prezidentiniň ýanyndaky

Ylym we tehnika baradaky ýokary geňeşiň

ýokary okuwdan soňky türkmen

we

halkara bilim ülňüleri boýunça Portaly

Gadyrly myhman,
Türkmenistanyň Prezidentiniň ýanyndaky Ylym we tehnika baradaky ýokary geňeşiň ýokary okuwdan soňky türkmen we halkara bilim ülňüleri boýunça Portaly hoş geldiňiz. Şu web saýtyň maksady aspiranturanyň geljekki mümkinçiliklerini öwrenýän halkara tejribesiniň, şeýle hem Türkmenistanyň çäginde we daşary ýurtda aspirantura derejesinde okamaga isleg bildirýän Türkmenistanyň talyplarynyň — aspirantlarynyň, ylmy barlaglar boýunça jemgyýetçilikleriň agzalarynyň we mugallymlaryň tejribesiniň esasynda gelýän maglumatlary toplamakdyr.
Mundan başga- da, websaýt Türkmenistanda aspirantura bilimini almak isleýän daşary ýurtly talyplar, ylmy barlag jemgyýetçilikleriniň we bilim boýunça ygtyýarlandyrylan edaralaryň wekilleri üçin bilim boýunça ülňülere we halkara ülňülerine laýyklykda goşmaça bilim almak boýunça giňişleýin maglumatlary almaga mümkinçilik döredýär. Websaýt goşmaça bilim almak boýunça maglumatlaryň dört toplumyndan ybaratdyr. Maglumatlar üç dilde — türkmen, iňlis we rus dillerinde berilýär.
Türkmenistanda aspirantura biliminiň ulgamy şu websaýtda gözleg ulgamy arkaly alyp bolýan umumy maglumat we kadalaşdyryjy esasdan ybaratdyr. Aspirantura derejesiniň üç tapgyry — master, doktorlykda öňki we doktorlyk derejeleri hem-de okuw meýilnamalary hem anyk beýan edilendir.Mundan başga-da aspirantyň hünür bilimi hem-de ýokary okuw mekdepleri bilen gatnaşyklar bilen bilelikde okuw guramagyň ygtyýarlandyrylan maksatnamalary barada hem maglumat berilýär.
Websaýtda Türkmenistanda ýokary bilim almak barada ähli zerur bolan maglumatlar bardyr. Okuwy goldamak boýunça ulgamlar milli we halkara alyş - çalyşa hem - de okuw maksatnamalaryna degişli maglumatlardan ybaratdyr. Şeýle hem siz saýtda CIMO ýewropa maksatnamasy we beýleki maksatnamalar bilen tanşyp bilersiňiz.
Ýokary geňeş — Tacis ýurtlarynyň saýlanan synyndaky 2008-nji ýylyň aspirantura biliminiň ülňüleriniň synynda Türkmenistanda aspirantura biliminiň ulgamyna meňzeş formatda anyk maglumatlar berilýär. uzak>>>

Web çeşmesi: Science government Türkmenistan

MAGTYMGULYNYÑ DÖREDIJILIGINE BAGYŞLANAN KONFERENS -مختومقلي پئراغئنئنگ دؤرديجيليگينه باغئشلانان كنفرنس

Ýaz pasly poeziýanyñ ylham çeşmesidir. Bu ýylyñ baharynda Şwesiýanyñ Göteborg şäherinde XVIII asyryñ beýik türkmen şahyry Magtymguly Pyragynyñ (1733-1783) poeziýasyna bagyşlanan konferens geçirilýär.

Konferensde şahyryñ ömri we döredijiligi dogruda türkmen, şwed, iñlis we pars dillerinde çykyşlar ediler, agzalan dillerde şahyryñ goşgulary okalar, türkmen halk aýdymlary, şol sanda Magtymgulynyñ sözlerine döredilen aýdymlar ýañlanar.
Biz ykrar edilen Gündogar danalarynyñ biri, beýik türkmen klassygy Magtymguly Pyragynyñ ömri we döredijiligi bilen gyzyklanýanlaryñ hemmesini Şwesiýanyñ Göteborg şäheriniñ merkezi kitaphanasynda geçirilýän dabaraly konferense çagyrýarys!
Magtymguly Pyragynyñ ömrüne we döredijiligine bagyşlanan konferens 2009 ýylyñ 23-nji maýynda gündiz sagat 11-de başlanyp, öýlän sagat 16.00-a çenli dowam eder.

Konferensdäki çykyşlara jogapkärler:

Iñlis dilinde: Dr. Ýusup Azmun, dilçi we edebiýatçy;

Şwed dilinde: Ak Welsapar, ýazyjy we neşirýatçy;

Türkmen dilinde: Aydmohammad Ownuq, şahyr;

Pars dilinde: Reza Talebi (ABF Göteborg)

Yglan edilen çykyşlardan soñra sorag-jogap alyşmak üçin 30 minut wagt goýulýar.

Konferensiñ aýdym-saz bölegine jogapkärler:

Mansoor Sabouhi, sazanda;

Murad Rahimov, bagşy.

Şahyryñ ömrüne we döredijiligine bagyşlanan çykyşlaryñyzy we makalalaryñyzy şu ýylyñ 10-njy maýyna çenli aşakdaky adrese ýollap bilersiñiz:

magtymguly.poezia.sweden@gmail.com

Hödürlenen materiallaryñ iñ kämilleriniñ gysgaça mazmuny konferense gatnaşyjylaryñ dykgatyna ýetiriler we edebi Internet saýtlarda ýerleşdiriler. Konferensiñ materiallarynyñ esasynda soñra broşýura çap etmek hem göz öñünde tutulýar.

Konferensiñ resmi guramaçysy Göteborg Türkmen kultur ojagydyr.

Magtymgulynyñ döredijiligine bagyşlanan konferense hoş geldiñiz!

Konferensiñ Guramaçylyk komiteti

Shwetsiyadaky Turkmen Kultur Ojagy - سؤئددأكي توركمن كولتور اوجاغي

SSSR-i KIM ÝYKDY? - اس.اس. اس. ار.-اي كيم يئقدي؟ ه

Gadyrly ildeshler!

Men size täze bir problemalayyn makalany yollayan. Okang, tanshyng, göwnungize makul bolsa, chap edip, okyjylar köpchuligine yetiring. Sebäbi her saytyng öz okyjylary bar, shol sebäpdenem gechmishing gaytalanmagynyng önguni almak maksady bilen yazylan bu makala has ging okyjylar köpchuligine yetirilse, shoncha-da gowy bolar diyip, hasap edyärin. Ustunlik hemrangyz bolsun!

Hormat bilen: Ak Welsapar, yazyjy
------------------------------------
(Taryhy täzeden ýazmaga synanyşýanlar hakda kelam agyz söz)

1. Kompartiýanyñ wekiline edilen ynam

Taryhy täzeden ýazmak islegi diñe şalara, soltanlara, diktatorlara mahsusdyr öýtmeli däl, ol isleg adaty adamlara-da, şol sanda ýönekeý ýazyjydyr jurnalistlere-de mahsus kemçilik. ”Azatlyk” radiosyndan 2009 ýylyñ 3-nji maýynda efire giden ”Bir türkmen – bir ykbal” gepleşigi hem muña mysal bolup biler. ... Dowamy - دووامي

“Eýran-Türkmensähra edebiýaty” - ايران- تركمنصحرا ادبيّاتي

Ankarada “Eýran-Türkmensähra edebiýaty” mowzukly konferensiýa geçirildi
Ýewroaziýa Ýazyjylar Bileleşigi tarapyndan Ankarada “Eýran-Türkmensähra edebiýaty” mowzukly konferensiýa geçirildi.
Ýewroaziýa Ýazyjylar Bileleşigi bilen Milli kytaphana tarapyndan Ýewroaziýa Eedebiýat günleriniń çäginde geçirlen “Eýran-Türkmensähra edebiýaty” mowzukly konferensiýada, Türkmensähra sebitiniń edebiýaty barada pikir alyşyldy.
Konferensiýa, Dos. Berdi Sariýew bilen Türkmensähra gazetinden Abdyrahman Deweji hem gatnaşdy.
Konferensiýany gönükdiren Türk Dil guramasynyń başlygy Prof. Haluk Akalyn, Türkmensährada ulanylaýn atalar sözünden mysallar berdi.
Akalyn çykyşynda, şol sebitde düşürlen foto suratlardan hem peýdalandy.
TRT-Turkmen - ت. ار. ت. - تركمن

ZORLUK WE SYÝASAT - زورلئق و سياست

Ak Welisapar - آق. ولي صاپار
Türkmenistandaky başyçylyk diktatura, ýagny syýasy zorluk bilen durmuşy jenaýatlaryñ arasynda näme umumylyk bar? Türkmen jemgyýeti syýasy we durmuşy zorluga garşy durmaga ukyplymy?
---------------------

1. Düýeguşuñ gylygy

Üstüne howp abansa, düýeguş kellesini çägä sokup, gutuljak bolarmyş diýýärler. Kellesini bukanda, göwresiniñ añsat aw bolýandygyna guş janawar düşünmese nätsin? Guşdan paýhasa garaşmak hebes, emma howp abanada adamlar özlerini nähili alyp barýarlar? Ine, gep şunda!

Türkmenistanda aýylganç diktatura döräp başlanda, onuñ garşysyna jemgyýetiñ örän az bölegi göreşe girişdi. Adamlaryñ birentegi öz darajyk şahsy bähbitlerine çapyp, geljekki diktator bilen hyzmatdaşlyga başladylar. Köpçülik nätdi? Köpçülik kellesini ”çägede gizledi”. Dowamy - دووامي

Türkmen ýaýlasy festiwaly - توركمن يايلاسي فستيوالي

Dünýäniń çar tarapynda ýaşaýan türkmenleriń wekilleri duşuşdy

Türkmenistan, dünýäniń çar tarapynda ýaşaýan türkmenleriń wekillerini duşuşdyrdy.
Türkmen maşgalalarynyń gatnaşmagynda türkmen ýaýlasy atly festiwal, düýn paýtagt Aşgabadyń golaýynda başlady.
Festiwalda, Türkmenistanyń Döwlet baştutany Gurbanguly Berdimuhamedowyń gutlag ýüzlenmesi okaldy.
Şol bir wagtda, Dünýä Türkmenleriniń Gumanitar Birleşiginiń başlygy bolan Berdimuhamedow, 5 müń ýyllyk geçmişi bolan türkmen medeniýetiniń we taryhynyń, dünýä tanadylmagyny maksat edinýändiklerini nygtady.
Festiwalda, Türkiýä, Kyrykkaleniń Karakeçili sebitinden giden türkmen maşgalalar wekilçilik edýär.
Türkiýeli, Owganystanly, Täjigistanly, Eýranly, Özbegistanly we Türkmenistanly türkmen maşgalalar, festiwalyń çäginde hepdäniń ahyryna çenli türkmen obasyndaky çadyrlarda ýaşar.

Resource: TRT.Turkmen - .ار. ت. توركمن

B I L D I R I Ş - - - - - - - - - - بــیــلــد یــر یــش - - - - - - - - - - - ا طـّـلا عــیّـــه

بمناسبت صدمین سالگرد شخصیت ادبی و ملی ترکمن
آخمات آخوندوف گورگنلی
Ahmat Ahundow Gürgenli barada 1 sagatlyk gepleşik

Türkmen halkynyň alym ogly, gündogarşynas, akademik, faşisitk hitleçilere garşy söweşde wepat bolan Ahamet. A. Gürgenlini 100 ýaşyna bagyşlap, Azatlyk Radiosynyň Türkmen gullugy «Bir Türken, bir ykbal» programmasynda ýörite 1 sagatlyk gepleşigi efire berilýär.Gepleşik merkezi Ýewropa wagty bilen Bazar guni sagat 17 we 19-da we 1-nji gün (dushenbe) irden sagat 004-de efire beriler.

-------------------------------------
Ahmat Ahundow Gürgenli(23.031909– İýune 1943)

Merheba eý türkmen ogly, sen ajap at eýlediň,

Gylyjyň syýryp bu gün, köňlüm meniň şat eýlediň.

Zalymyň zarbasyndan köňlümde ýygnalmyşdy dügün,

Sen ony weýran edip, derdimi berbat eýlediň.

Sen Görogly neslisiň, aslyňa dil ýetmez seniň,

Kör teke – Keýmir kemin ganyma perýat eýlediň.

Ýusup – Ahmet, Bamsy Böwrek, Depegözüm senmidiň,

Şol goçaklar zoruny bu günki gün ýat eýlediň.

Gan döken, ülke ýykan Hosrow Perwiz, Gitlere,

Ol şirin watan üçin özüňi Perhat eýlediň. 1941

Keçetelpek - كــچــه تـلـپـك

”OZALKYLARA” BIR SORAG!
Kinaýa

Ozalky ministr, ozalky gerçek,
Ozal güne ýakman öz depäñizi,
Siz-how, näçe wagt mazamlap gezjek,
Utanman, ozalky wezipäñizi?

“Ozalky deputat” – syn ediñ gelip!
Ozalky barmak hem ozalky dyrnak!
Aýyp dälmi, bäş gün deputat bolup,
Soñra galan ömrüñ öwünip ýörmek?!

Uçup bilmese-de gögi gulaçlap,
Gara gargalaryñ pes däldir päli.
Türkmenbaşyñ beren emelin buşlap,
Agzyñyz dolduryp, ýañrañ bakaly!

Magşar güni bar hemmäniñ başynda,
Şoñ üçin bu sorag görülmez aýyp.
Aýdyñ, ýazmalymy mazar daşynda,
Ölüp, gömülseñiz, ”ozalky” diýip?

NOWRUZ - نـــو روز

Ak Welsapar

Nowruz geldi, ýaz geldi!
Saýrak guşlar açdy dil.
Durna bilen gaz geldi,
Oýandy bagda bilbil.

Öwsüp ýazyñ howasy
Bahar toýun toýlaýar.
Guşlañ näzik owazy
Gülleñ başyn aýlaýar.

Çöllerde owlak-guzy
Sährañ bile biteni.
Geýindi türkmen düzi,
Gyzyl-ýaşyl keteni.

Yşka gümra tebigat,
Gün gökde – otly ojak.
Nowruz – misli zerli hat,
Gül-gunça gujak-gujak.

Gyz görkün ýada salar,
Atyr ysly säherler.
Täzelendi obalar,
Täzelendi şäherler.

Bolmaz şatlygy gowuz,
Gül guşanan biline,
Täze gün, täze Nowruz,
Hoş geldiñ sen ilime!